«Буряад гэдэг бурхан нэрэмнай» иимэ гаршаг доро манай нютагай ирагуу найрагша, уран зохеолшо, оршуулагша Цындыма Бабуевагай ном нара хараба. Энэ ном соогоо автор «Буряад» гэдэг еhото нэрэеэ үндэр дээрэ үргэн, он сагай хүрдын эрьеэн соо түрэл hайхан хэлэеэ мартангүй, үбгэ эсэгэнэрэйнгээ үлөөhэн hаруул hайхан харгыгаар, эжынэрэйнгээ энэрхы арюун сэдьхэлээр үе сагай, ажабайдалай долгин соо эбтэй эетэй, энхэ амгалан урагшаа дабшахамнай болтогой гэжэ үреэн дамжуулна.
Уран шулэгшэн Ц.Бабуева шэнэ ном соогоо hаяын сагта бэшэhэн шүлэгүүд, магтаал, домогууд ба дуунуудаа оруулаа.
Цындыма Дашиевна Бабуева – Буряадай Уран зохеолшодой холбооной гэшүүн, Монголой Соел, Яруу найргийн Академиин хүндэтэ гэшүүн, буряан уран шулэгэй Уласхоорондын олон мүрысөөнүүдэй лауреат болон гран-придэ хүртэгшэ. «Арюун талын ангирхан», «Песнь лебединой стаи», «Абын сэргэ мүнхэхэн», «Сокровища Дакини», «Мэдэгдээгүй дагина», «Буряад гэдэг бурхан нэрэмнай» гэhэн номуудай автор. Тэрэнэй уран бүтээлнүүд «Толон», «Буряад Үнэн», «Морин хуур» hонинуудта, мүн «Байгал», Монголой «Уларил ба зохиолч», «GUNU» ба «World poetry 2017 An Antology» гэжэ Дэлхэйн ирагуу найрагшадай уран бүтээлнүүдэй Антологи соо оролсоhон юм. Уран зохеол дээрэ ажаллахын хажуугаар, Цындыма Дашиевна монгол хэлэнhээ буряад, ород хэлэнүүдтэ номуудые оршуулдаг.
Мэдээсэлэй таhагай мэргэжэлтэн С.Б.Дамдинжапова