Буряадай бэлигтэй уран шүлэгшэ Цыдып Жамбаловай 90 жэлэй ойдо зорюулагдана.
Цыдып Жамбалов хадаа Буряадаймнай элитэ поэдүүдэй нэгэн гээшэ. Горькиин нэрэмжэтэ литературна институдай дэргэдэхи дээдэ курс дүүргэhэн, “Агын үнэн” газетэдэ редакторай орлогшоор олон жэлдэ хүдэлhэн, эгээл ажаллажа ябаһан зохёохы хаһадаа арба гаран номуудые хэблэлдэ бэлдэжэ гаргаhан. 1961 ондо түрүүшынь шүлэгүүдэй согсолбори гаража, удаань “Наран толгой”, “Дэлгэр сэдьхэл”, “Залиршагүй наран, нугаршагүй хүн!”, тиихэдэ хүүгэдтэ зорюулагдаhан шүлэгүүдэйнь хэдэн суглуулбаринууд гараhан байха юм. Тэрэнэй шүлэгүүд, поэмэнүүд, балладанууд буряад поэзиин эгээл һалбаржа байха үе сагта мүндэлһэн юм. Буряад сэдьхэлтэй, талын хүнэй һайхан аажам досоохи байдал харуулһан удхатай Цыдып Жамбаловай шүлэгүүдынь тон хэрэгтэй, тэдээнииень уншаад, һургаал, захяа заабари абажал байхаар.
Ага нютагайнгаа талаан бэлигтэй, уран үгэтэй поэт Цыдып Жамбаловай удха зохеолнуудтайнь танилсахаяа, уран шүлэгүүдыень уншахаяа Цыбен Жамсараногой нэрэмжэтэ номой санда ерэхыетнай уринабди!
Цыдыпова Ж.Н.,
главный библиотекарь отдела краеведения и библиографии