- Информация о материале
- Просмотров: 894
Буряад-монгол туургата арадуудай эб найрамдалай hүлдэ тэмдэг болоhон, арадаа нэгэдүүлхэ, харилсааень бэхижүүлхэ, үндэhэн соёл болбосорол, ёhо заншалаа, түрэл хэлэеэ улам хүгжөөхэ зорилготойгоор 2 жэлэй нэгэ удаа эмхидхэгдэдэг уласхоорондын «Алтаргана-2016» наадан Буряадай ниислэл хото Улаан Үдэдэ үнгэрөө.
Арадай дуунай харалга. Буряад арадай дуу гүйсэдхэгшэдэй конкурс Буряадай академическэ оперо ба баледэй театрай ордон соо эмхидхэгдээ. Тэндэ 100 гаран хабаадагшадай зэдэлүүлhэн арадай hайхан дуунууд 2 үдэрэй туршада замхаагүй.
- Информация о материале
- Просмотров: 813
2014 оной июлиин 18-19-эй үдэрнүүдтэ Чингис хаанай түрэhэн тоонто гэгдэhэн нютаг – Дадал hомондо Бүгэдэ буряадай уласхоорондын 11-дэхи «Алтаргана» наадан үргэн дэлисэтэйгээр үнгэргэгдөө. Тэбхэр хорин жэлэй саада тээ «Алтаргана» наадан энэл нютаг дээрэ түрүүшынхеэ эмхидхэгдэhэн түүхэтэй. Энэ hайхан нааданда хабаадалсахаяа арбаад мянган хүн суглараа. Агын тойрогые 550 гаран хүн – гурбан аймагудай ба Ага тосхоной засаг зургаануудай хүтэлбэрилэгшэд, соелшод, тамиршад, сурбалжалагшад түлөөлөө. Үбэр Байгалай хизаарые түлөөлжэ, мүн хүндэтэ айлшаар уригдаhан Үбэр Байгалай хизаарай губернатор Константин Ильковский, Федеральна Суглаанай Федерациин Зүблэлэй гэшүүн Баир Жамсуев, Агын Буряадай тойрогой Захиргаанай хүтэлбэрилэгшэ Ананда Дондоков г.м. фестивалиин хэмжүүртэ хабаадалсаа.
- Информация о материале
- Просмотров: 791
«Алтарганын» ехэ наадан 2010 ондо Монгол hайхан ороной Улаан-Баатар хотодо боложо үнгэрөө. Манай Агын округой дуушад, хатаршад, тамиршад, модельернүүд фестивалиин 15 янзын мүрысөөнүүдэй 9 алтан медальнуудые шүүжэ ерэhэн. Үнгэрhэн «Алтарганын» нааданууд сооhоо агынхидта эгээл үрэ дүнтэй наадан болоhон гээд тэмдэглэлтэй. Хамтадаа 16 медаляар шагнагдаhан байна. Буряад республика – 22, Эрхүүгэй можо – 9, Монгол – 10, Шэнэхээнэй буряадууд – 4 медальнуудта хүртөө.
Агын тойрогой түлөөлэгшэд «ПАЗ» түхэлэй автоунаагаар хилэ дабажа, монголой үргэн талаар хэдэн модо утые гаталжа, буряад угсаатан арадай уласхоорондын фестивальда хабаадалсаа. Түбэй соелой ордоной, академическэ арадай аман зохеолой дуу хатарай ансамблиин, Гүрэнэй филармониин, Гүрэнэй хүүхэлдэйн театрай болон бусад заалнуудта фестивалиин конкурснууд эмхидхэгдээ. Харин Уран hайханай музейн ба уран Искусствын галерейн танхимууд соо үзэсхэлэнүүд дэлгэгдээ.
- Информация о материале
- Просмотров: 860
Бүгэдэ Буряадай «Алтаргана» ехэ наада 2006 ондо үнгэргэхэ үүргэ Буряад республикын түлөөлэгшэдтэ даалгагдаhан байгаа. Анха түрүүшынхеэ Буряад ороной газар дэбисхэр дээрэ буужа ерэhэн долоодохи наадан июниин 29-hөө июлиин 2 болотор ниислэл хото Улаан-Үдэдэ таба мянга гаран хабаадагшадые суглуулаа. Энэ удаа үнгэргэгдэхэдөө соелой программа нилээд ехээр хубилгагдаhан байна. Заншалта болоhон арадай дуунуудай, арадай аман зохеолой бүлгэмүүдэй, hэеы гэр харалгын, уран гартанай урилдаанhаа гадуур, арюухан, сэбэрхэн басагадай «Дангина», буряадай үндэhэн хубсаhанай, уран шүлэгэй, оршон үеын дуунуудай, үльгэр түүрээгшэдэй конкурснууд нэмэгдэhэн гээд тэмдэглэтэй.
Түрүүшын үдэр, тус нааданай баяр еhололто нээлгэндэ Хитадай арадай республикын Үбэр Монголой Шэнэхээн буряадай, Монголой, Агын Буряадай автономито тойрогой, Эрхүү ба Шэтэ можонуудай, Усть-Ордын автономито тойрогой түлөөлэгшэд жагсаа. Мүн тиихэдэ Казахстан, Москва, Саха, Тыва, Санкт-Петербург, Красноярск, Новосибирск хотодо ажаhуудаг буряадуудай түлөөлэгшэд хабаадалсаhан юм. Агын Буряадай автономито тойрогой 3 аймагуудай түлөөлэгшэд тус тустаа округой тугай үнгөөр хубсалhан, эхи эмхитэй, али бүхынь бодомжотойгоор зохеогдоhон, тоогоороошье олон (550 хүн) – энээгээрээ эли бодо илгаатай байгаа. Энэ ехэ жагсаалые Буряад республикын 21 аймагай түлөөлэгшэд, Улаан-Үдэ хотын 3 районойхид түгэсхөө.
Нээлтын түгэсхэл дээрэ Дондок Бальжинимаевай үгэдэ Пурбо Дамирановай найруулhан хүгжэмтэй «Алтарганын» гимн анха түрүүшынхеэ зэдэлээ, СССР-эй арадай артистка Галина Шойдагбаева ирагуу hайханаар гүйсэдхөө.
- Информация о материале
- Просмотров: 1159
Международный бурятский фестиваль «Алтаргана» – главное мероприятие по возрождению, сохранению и развитию традиционной культуры бурятского народа. Инициатором и организатором первого фестиваля, прошедшего в 1994 году, выступила Б. Мунхжаргал — специалист департамента культуры администрации Хэнтэйского аймака Монголии.
Масштабный ныне фестиваль бурят всего мира взял свое название от бурятского названия степного кустарника семейства бобовых – «караганы карликовой». Алтаргана (от бур. «алтан» - золото, рус. «золотарник») - невзрачное, скромное растение с мелкими листочками и желтыми цветами, получило свое имя благодаря золотистому цвету своей коры. По мнению организаторов фестиваля, это удивительно живучее растение, и ее корни символизируют неразрывную связь бурят с родной землей, своей историей, культурой и традициями.
